Tumhe bhulaaye toh bhulaaye kaise
Tumhe yaadon se mitaaye kaise
Tum saanson main basti ho
Tum khwabon main basti ho
Tum rooh main basti ho
Umeedon main basti ho
Tum bin jeevan adhoora sa laage
Tumhare smaran se ek nayi kiran si jaage
Tum nahi ho toh
Phir bhi tumhi tum ho
Tumhari taarif main mere bol
Kabhi kam na ho
Aankhen band kar sochte jab bhi tumhe
Kuch aisa sukun miltaa hain
Tera hi rang chadhaa rehtaa suroor main
Kyunki tujhi main rab dikhtaa hain
Mere shabdon aur geeton ki
Tumhi prerna ho
Mere jeevan ko nikhaarti
Tum divy chetna ho
Mera mann ko taarti
Tumhi sadhna ho
Mere jeevan ko savaarti
Tumhi aradhna ho
Tumhi meri kaamna ho
Tumhi meri prarthna ho
