Ae Dil Kis Chaah Main
Bhatak Raha Hain ...
Jo Tera Tha Nahi
Use Kyu Doondh Raha Hain ...
Haan Tu Akela Hi Hain
Ye Apnon Ke saath Ke Bramh Se ...
Tu Kahi Bhatak Naa Jaana
Kyunki rishte samay ke
Mohtaaz hain ...
Kuch pal tujh se Dil Laga
Chod jaayenge ...
Ye Kisso Ki Tokri
Jeene naa De Paayenge
Haan Tu Akela Hi Hain ...
Naa Rakh Koi Fikr
Naa Kar Koi Zikr ...
Tamannaon Ke Bojh Main
Kahi Ulajh naa Jaana ...
Kuch Pal Ki Khushiyon Ko
Apna Samajh naa Jaana ...
Haan Tu Akela Hi Hain ...
Naa Tera Koi Hain
Naa Tu Kisi Ka ...
Teri Parchaai Bhi Jab
Andhere main saath chod deti hain ...
Toh Kisko Apna Kahega ...
Ye Jeevan Baar Baar
Tujh se Kehta Rahega ...
Haan Tu Akela Hi Hain
Naa Moh Rakh ... Naa Bandhan
Naa Koi Umeed ... Nahi Koi Chintan
Ye Zindagi Ke Safar Ko
Akele Hi Nibhana ...
Fas Jaaye Gar Tu Kisi Dagar Pe
Yaad Dilaate Rehnaa ...
Haan Tu Akelaa Hi Hain
Haan Tu Akelaa Hi Hain ...
