Har din ek nayi ladaai ladtaa
hoon
Har roz ek nayi maut marta hoon
Apne aap ko saabit karne ki is
duniya main
Har pal ek nayi koshish karta
hoon
Aage badhne ki chaah main
Hum tum sabhi kyu bhaag rahe hain
Is pal ki jo khushiyaan hain …
Na jaane kyu aanewaale kal main
chaan rahe hain
Is choohon ki daud main
Kahi main peeche choot naa jaau
Kaamyaabi ki moorat banaate hue
Kahi khud hi naa toot jaau
Kabhi main samaaj se ladta hoon
Kabhi main apno se ladta hoon
Kabhi apne aap se ladta hoon
Har pal kuch paane ko ladta hoon
Jo haasil hain use khone se darta
hoon
Paane aur khone ki is
kashm-a-kash main
Khud ko bhula naa dena
Zindagi ke safar main
Har pal main muskuraate rehna
Kabhi gam ke baadal chaayenge
Kabhi khushiyon ka aanchal
lehraayegaa
Tu jee le jee bhar ke is zindagi
ko
Kyunki pyaare ye ladaai yuhi
chalti rahegi
Ye ladaai yuhi chalti rahegi …
Jab tak is shareer main aatma ka
vaas hoga
Shareer ka dard phir bhi samay ke
saath mit jaayega
Lekin aatma ka dard mitaaye nahi
mitega
Kuch saalo ki zindagi ko
Khul ke pyaare jeena
Tu rahe yaa naa rahein
Ye ladaai … ye daud yuhi jaari
rahegi
Beeti hui zindagaani teri
Tujh par has ke phir kahegi
Kuch pal toh pyaare khud ke liye
jee letaa
Aasmaan toh mila nahi tujhe
Muthi bhar zameen ko hi dil se
jee letaa
